Unha festa teatral, un monólogo cómico e musical a cargo de Noemi Rodríguez e Darlene Rodríguez.
‘Hoy puede ser mi gran noche’ é unha festa teatral, un monólogo cómico e musical que conta a fascinante historia dun cantante de orquestra na Galicia dos 90 e as súas fillas, cuxa máxima aspiración é chegar a ser como o seu pai.
Neste espectáculo, Noemi Rodríguez e Darlene Rodríguez despréganse en múltiples voces para facer unha viaxe ao pasado, a un mundo cheo de exotismo co fin de entender o que quixeron ser e o que realmente son. Unha obra divertida, valiente e profunda, unha celebración do que xa non está, o que puido ser e non chegou a ser; un canto aos perdedores, aos que nunca deixan de agardar o seu momento.
