O sábado 27 é o día grande en Castelo. Comezamos cun xantar preparado polos veciños, seguido dunha andaina contando contos. Á noite, cea no campo da festa e despois, música e os monólogos de Touriñán e outros humoristas.
O Día Grande do Castelo Conta será o sábado 27 de agosto. Comeza o día co xantar organizado polos veciños de Castelo para coller forzas para a Andaina na que percorremos os diferentes lugares de Castelo. Nesta ocasión, Carlos Blanco e Luis Davila serán os encargados de amenizar as paradas deste percorrido pola nosa vila.
O conxunto Galifunk Brass abrirá unha noite chea de música, humor e festa na polideportiva. O espectáculo de monólogos contará nesta ocasión con Xosé A. Touriñán, Noemi Rodríguez, Oswaldo Digón, Pepo Suevos, Carlos Blanco, Isabel Risco, Darlene Rodríguez, Javier Veiga, David Amor, David Perdomo e Patricia Castrillón.
A festa continúa coa música de Los Mecánicos e alongarase coa sesión de DJ Mínimo na madrugada.
